Батыс Қазақстанда өңдеу өнеркәсібінде 63,1 млрд. теңгенің өнімі өндіріліп, өткен жылғыдан 6,9 пайызға өсті

ОРАЛ. Желтоқсанның 22-сі. ҚазАқпарат /Елжан Ералы/ - Батыс Қазақстан облысында өңдеу өнеркәсібінде 63,1 млрд. теңгенің өнімі өндіріліп, өткен жылғыдан 6,9 пайызға өсті,

деп хабарлайды ҚазАқпарат тілшісі облыс әкімдігінен түскен мәліметке сілтеме жасап.

Металлургия өнеркәсібі мен металл өңдеу саласында 5348,3 млн. теңгенің өнімі шығарылды, бұл өткен жылғы он бір айдағыдан 39,1 пайызға көп. Басқа металл емес минералдық өнімдер көлемі 5438,0 млн. теңгені құрады, бұл 13,4 пайызға жоғары. Сондай-ақ 20,3 млрд. теңгенің азық-түлік өнімдері өндіріліп, бұл да 8,4 пайызға көбейді.