Батыс Қазақстанда төрт күнде 700-ге жуық адамнан коронавирус табылды
БҚО санитарлық-эпидемиологиялық бақылау департаменті мәлім еткеніндей, соның 466-сында, яғни басым бөлігінде ауру белгілері болса, 224-інде симптомсыз өтуде.
Соның ішінде ЖРВИ белгілерімен тексерілген 382, бұрын ауырғандармен қарым-қатынаста болған 162, профилактикалық мақсатта қаралған 130, стационарға жатқызар алдында сынама алынған 16 адамнан індет анықталды.
Сырқаттанғандардың 449-ы Орал қаласы, 82-сі Бәйтерек, 60-ы Бөрлі ауданының үлесіне тиеді.
Індет басталғаннан бері 18613 адам тіркелсе, соның 14602-сі сауығып шықты. 272 науқас көз жұмды.
Барлық ауырғандардың 10798-і Оралда, 2000-ы Бөрлі, 1929-ы Бәйтерек ауданында анықталған.
Еске сала кетейік, бұдан бұрын Батыс Қазақстанда сәуір айында 3 мыңға жуық адамның коронавирус жұқтырғанын жазған болатынбыз.