Батыс Қазақстаннан Арман Өтеғұлов Сенат депутаты болып сайланды

None
ОРАЛ. ҚазАқпарат - Батыс Қазақстан облысында Арман Өтеғұлов Сенат депутаты болып сайланды, деп хабарлайды ҚазАқпарат тілшісі.

БҚО аумақтық сайлау комиссиясының төрағасы Ғайса Қапақовтың мәлім еткеніндей, А.Өтеғұлов үшін 127 депутат немесе дауыс бергендердің 73,7 пайызы жақтап дауыс берді.

«Ақылбек Сұлтановты 25 депутат немесе 14,5 пайызы қолдады. Айболат Құрымбаевқа 15 депутат (8,7 пайызы) дауыс берді. Үш таңдаушы бәріне қарсы дауыс берді», деді Ғ.Қапақов.

Бұдан кейін Арман Өтеғұлов өзіне дауыс берген депутаттарға алғысын білдірді.

Еске сала кетейік, бұдан бұрын БҚО-да таңдаушылар дауыс беріп жатырғанын жазған болатынбыз.

Сондай-ақ таңдаушы Сенат депутатын сайлау қалыпты өтіп жатқанын жеткізді.


Фото: gov.kz

Соңғы жаңалықтар
telegram