12:56, 10 Қаңтар 2010 | GMT +5
Байқоңыр мемлекеттік мүлік және жекешелендіру департаменті өз міндеттемесін орындауға көңіл бөліп отыр
ҚЫЗЫЛОРДА. Қаңтардың 10-ы. ҚазАқпарат (Руслан Игілік) - Байқоңыр мемлекеттік мүлік және жекешелендіру департаменті ғарыштық кешен аумағындағы республикалық меншік нысандарын басқару, жекешелендіру және экономикалық стратегиялық маңызы бар салалардағы мемлекеттік мониторингті және бақылау міндеттемелерін жүзеге асыруда,

деп хабарлайды ҚазАқпарат тілшісі.
Өткен жыл көлемінде жалға берілген 17 мемлекеттік мүлік нысаны бойынша халықтық қазына қорына 6,8 млн. теңге түсіріліп, жекешелендіру жұмыстары аясында республикалық бюджет 15,4 млн. теңгемен толықты.
Ғарыш кешенін қамтамасыз етуге арналған техникалық, технологиялық жабдықтар, ғарыш зымырандары және арнайы техникалардың жеткізілуі мен әкетілуіне қатысты 1446 өтінім қаралып, 309 қабылдау-тапсыру актілері бекітілді. Қосалқы жалға беру туралы 296 шартқа қол қойылды.