Байқоңырда балалар жоғалып кетті: іздеу жұмыстары жүргізіліп жатыр

БАЙҚОҢЫР. ҚазАқпарат – Байқоңыр қаласында жоғалып кеткен екі баланы іздестіру жұмыстары жүргізілуде, деп хабарлайды ҚазАқпарат.
None
None

Биылғы жылдың 20 ақпанында Байқоңыр қаласында жергілікті уақыт бойынша сағат 10:30 шамасында 2 сынып оқушылары 29.09.2013 жылы туған Нұрәлі Оразбаев пен 26.03.2013 жылы туған Ерхан Анас жоғалып кеткен. Олар «Маяк» кешенінен шығып, белгісіз бағытқа кетіп, оралмаған.

Іздестіру шараларына РФ ІІМБ, «Байқоңыр» кешеніндегі ІІМП қызметкерлері, Қазақстан Республикасының Ішкі істер органдары және 80 волонтер жұмылдырылды. Көмекке Қызылордадан сүңгуірлер келді.

Бүгін тікұшақ Сырдария өзені арнасын айналып ұшып өтті. Сонымен қатар, Қызылорда қаласынан Байқоңыр қаласына құрамында 7 адам, 1 кинолог, 1 техника бар іздеу тобы шықты.

Іздеу жұмыстарының нәтижесінде жоғалған балалардың бірінің мәйіті табылды.

Іздеу жұмыстарын бақылау үшін облыс әкімі Гүлшара Әбдіқалықова Байқоңыр қаласында оқиға орнында жүр. Бұл мәселе өңір басшысының бақылауында.


Соңғы жаңалықтар