Байқоңырда жұмыстан босатылған қазақстандықтардың мәселесін шешу жолдары қарастырылып жатыр

ҚЫЗЫЛОРДА. ҚазАқпарат - Жыл басынан бері Байқоңыр қаласында 641 адам жұмыстан босатылған. Оның 409-ы қазақстандық азамат. Осы 409 адамның 75 қайта жұмысқа орналастырылған. Бұл туралы облыстық әкімдіктің баспасөз қызметі хабарлады.

Келер жылы тағы 1500 адам жұмыстан шығарылмақ.

Алайда олардың барлығы қазақстандық азамат емес. Бүгінде жұмыстан босаған азаматтарды қайта орналастыру мәселесі қаралып жатыр. Бұл түйін Қазақстанға қайтарылған нысандарға оларды жұмысқа тұрғызу арқылы шешілуі мүмкін.