Байқоңырдан ұшырылған «Протон-М» зымыран-тасығышы алғашқы минуттарда жарылып, жерге құлады. ВИДЕО

АСТАНА. 2 шілде. ҚазАқпарат - ГЛОНАСС үш жерсерігі бар «Протон-М» зымыран-тасығышы «Байқоңыр» ғарыш айлағынан ұшырылғаннан кейінгі алғашқы минутта жерге құлады.

Ұшырылым «Ресей 24» арнасынан тікелей эфир арқылы көрсетілді. Зымыранды іске қосу кезінде штаттан тыс жағдай орын алғаны хабарлануда. «Протон-М» ДМ-03 үдеткіш блогымен жарақтандырылған болатын.

Тұңғыш рет ДМ-03 үдеткіш блогы 2010 жылы орнатылды. Онда құрастыру құжатындағы қателіктің салдарынан, зымыран-тасығыш 3 жер серікті орбитаға жеткізе алмаған болатын.