Байланыс нашар: Activ пен Kcell абоненттері бүгін тағы шағымданды

АСТАНА. ҚазАқпарат – Бүгін таңертең Activ/Kcell абоненттері байланыс кезінде туындаған проблемаларға шағымданды. Осыған орай компания баспасөз қызметі мән-жайды түсіндірді, деп хабарлайды ҚазАқпарат тілшісі.

«Таңертең желіде 15-20 минут арасында аздаған іркіліс болды. Kcell-дің техникалық мамандары проблеманы түзетті. Қазіргі уақытта ұялы байланыста ешқандай қиындық жоқ», - деп атап өтті компанияның баспасөз қызметінен.

Кеше Kcell компаниясы Қазақстанның солтүстік және шығыс өңірлеріндегі бірқатар қалада деректерді беру қызметінің нашар істеп тұрғанын растаған болатын.

Желі қалпына келтірілгеннен кейін Kcell/Аctiv операторы техникалық проблемаға қатысты интернетсіз қалған абонеттерге 10 ГБ бонус берді.