Бельгияның ең ірі әуежайы ереуілге шықты

АСТАНА. KAZINFORM — Бүгін Шарлеруа қаласының әуежайы (Брюссельден 40 шақырым жерде) бір күндік ереуіл бастады.

Әуежайдағы барлық рейстер тоқтатылды. Бір күн бұрын кәсіподақтар Валлония әуежайлар министрі Сесиле Невенмен (MR) келіссөз жүргізді, бірақ ол нәтиже бермеді. 

Осылайша бүгінгі ереуіл 30 мыңға жуық жолаушыға әсер етті. 

Шарлеруа әуежайы операторының айтуынша, қауіпсіздік және персонал тапшылығына байланысты барлық шығатын және кіретін рейстер тоқтатылды. Бүгін рейсі бар жолаушыларға олардың әуе компаниясы хабарласады. 

«Қандай да бір сұрағы бар, жаңа рейске тапсырыс бергісі келетін немесе ақшасын қайтаруды талап еткен кез кез келген адам әуе компаниясына хабарласқаны жөн, бірақ әуежайға бармауы керек», — делінген хабарламада. 

Бүгін таңертең кәсіподақ басшылығының кезекті отырысы өтеді деп жоспарланған.

«Шарлеруа келіссөз конструктивті болатынына және келісімге әкеледі деп үміттенеді», — делінген әуежай хабарламасында. 

Ереуіл қызметкерлердің жұмыс жағдайына байланысты басталған, олар сондай-ақ «агрессивті басқаруға» да шағымданды. 

Кәсіподақтар ереуіл туралы хабарламаны өткен сәрсенбіде жіберді.