«Береке» дегеніміз не, ол кімде болады?

АСТАНА. KAZINFORM - «Ораза қабыл болсын!» тікелей эфирінде Нұрлан Байжігітұлы береке тақырыбына кеңірек тоқталды.

«Береке – аз табыстың көп пайда әкелуі. Аз нәрсе берекелі болса, көп адамның кәдесіне жарайды», - дейді дінтанушы.

Берекесіз көп нәрсе бар, бірақ адамға, қоғамға пайдасы бар ма?

«Сол үшін дүние-мүліктің көп болуын емес, берекелі болуын тілеу керек» деген дінтанушы ораза күнінің амал мерекесімен тұспа-тұс келгенін де берекелі күнге балап қойды. Берекенің де формуласы бар деп сөзін жалғаған Нұрлан Байжігітұлы эфирде оның мәнін ашып айтты. Сондай-ақ тақырыпқа орай түскен түрлі сауалдардың ішінде «Дұға сөзін көп айтасыз, дұға бата ма?» деп сауал жолдаған көременге де тыңғылықты жауап берді.

Дұғаның қасиеті мен бата өсиеттің адам өміріндегі маңызына тоқталды. Сайып келгенде, Рамазан айының берекесін қалаған әр адам ниетін дұрыстауы керек деген ойды ұқтырды.