Берлин халқы 4 миллион адамға жақындады

АСТАНА. KAZINFORM — Германия астанасында 2025 жылғы 31 желтоқсандағы жағдай бойынша 3 913 644 адам тұрады — 4 миллиондық межеге жету үшін шамамен 87 мың адам ғана жетіспейді, деп хабарлайды BILD. 

Бұл алдыңғы жылмен салыстырғанда халық санының 16 500 адамға артқанын көрсетеді.

Мұндай деректерді Statistikamt Berlin‑Brandenburg статистика басқармасы жариялады. Халық санының өсуі қала аудандары бойынша біркелкі емес: 12 ауданның 10-ында тұрғындар саны артса, екеуінде азайған. Ең жоғары өсім Трептов‑Кёпеник ауданында тіркеліп, 5 450 адамға (+1,8%) көбейді. Ал Райникендорф ауданында халық саны 0,9%-ға, Штеглиц‑Целендорф ауданында 0,2%-ға қысқарды.

Қаланың шығыс бөлігі батысқа қарағанда айтарлықтай жылдам өсіп келеді.

Статистика басқармасының мәліметінше, өсім негізінен шетелден келген адамдар есебінен қалыптасқанымен, олардың саны айтарлықтай азайған: 2025 жылы шетелден келгендердің саны 4 541 адам болса, бір жыл бұрын шамамен 25 500 адам болған. Соған қарамастан, қаладағы шетелдіктердің үлесі 24,9% деңгейінде тұрақты сақталған. 

Айта кетелік Германияда жеке куәлік рәсімдеу құны өскен еді.