Берлинде Қазақстанның жемқорлыққа қарсы саясаты түсіндірілді

БЕРЛИН. ҚазАқпарат - Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Алик Шпекбаев Берлинде Transparency International халықаралық ұйымының өкілдерімен кездесті, деп хабарлайды «ҚазАқпарат» ХАА меншікті тілшісі.

Шпекбаев Transparency International-дың зерттеу бағдарламаларының директоры Корали Принг пен бұрынғы вице-президенті Вирджинио Куллуданды Қазақстан саясаты мен пара алумен күресті күшейтудің негізгі бағыттарымен  таныстырды.

«Еліміздегі сыбайлас жемқорлықпен күрес агенттігі басымдылықты жазалау шараларына емес, түсіндіру және алдын алуға, сондай-ақ, қоғамдағы «тұрмыстық сыбайлас жемқорлықты» тамырымен жоюға негіздейді. Бұл бағытта шет мемлекеттердің тәжірибесін терең зерделеудеміз», - деді Шпекбаев.

Сондай-ақ, сыбайлас жемқорлыққа қарсы күрес жөніндегі үкіметтік емес халықаралық ұйым қызметкерлерімен кездесуге Германиядағы ҚР Елшісі Болат Нүсіпов және Transparency International-тің Қазақстандағы аймақтық өкілі Наталья Ковалева қатысты.