«Бейбіт мақсат-2010»: Біздің күшіміз бірлігіміз бен жауынгерлік достастығымызда» - генерал-майор М.Майкеев

АЛМАТЫ. Қыркүйектің 13-і. ҚазАқпарат /Данияр Сиқымбаев/ - Қазақстанның аумағында Шанхай ынтымақтастығы ұйымы елдерінің «Бейбіт мақсат -2010» лаңкестікке қарсы бірлескен жаттығуы басталды. Бұл жаттығу Шанхай ынтымақтастығы ұйымының әлеуетін, шеберлігін, еркін, аймақтағы тұрақтылықты өз бетінше қамтамасыз ету, қарулы күштердің беделін нығайту қабілетін паш етеді, деді жаттығудың қазақстандық тараптан жетекшісі - ҚР Қарулы күштері Құрғақтағы әскерінің бас қолбасшысы, генерал-майор Мұрат Майкеев.

«Бейбіт мақсат-2010» жаттығуын дайындауға және оны өткізуге ШЫҰ елдерінің штабтары мен әскерлері атсалысуда. Жаттығудың мақсаты әскерлер мен әскери басқару органдарының ықтимал оқиғалардың өрбу нұсқасына дайын болуына негізделген. Жаттығу барысында алынған тәжірибелер, ШЫҰ елдерінің бірінің аумағында қарулы қақтығыс орын ала қалған жағдайда, аймақтағы қауіпсізтікті қамтамасыз ету, жағдайды тұрақтандыру жөніндегі іс-қимылдарды үйлестіре түсуге сеп болады. Өткізіліп отырған ШЫҰ жаттығуы лаңкестікпен, экстремизмен және сепаратизммен күресуге дайындалу ісіне лайықты үлес қосады. Біздің күшіміз бірлік пен жауынгерлік достастықта», деп атап көрсетті генерал-майор М.Майкеев өз сөзінде.