Бейбіт Исабаев АЭС бойынша референдумда дауыс берді
ТАЛДЫҚОРҒАН. KAZINFORM – Облыс әкімі Бейбіт Исабаев жұбайымен бірге Талдықорған қаласының Ілияс Жансүгіров атындағы Мәдениет сарайында №389 референдум учаскесінде дауыс берді.
– Бүгін тарихи маңызы бар күн. Конституцияға сәйкес мен де өзімнің құқығымды пайдаланып, сайлау учаскесіне келіп, даусымды бердім. Өзімнің таңдауымды жасадым, - деді облыс әкімі Бейбіт Исабаев.
Айта кетейік, Жетісу облысында 463 сайлау учаскесі бар, олар таңғы сағат 07:00-ден бастап жұмыс істейді. Өңірдегі сайлаушылар саны – 442 мыңнан астам.
Еске салсақ, бұған дейін Қазақстан бойынша 10 249 референдум учаскесінде дауыс беру басталғанын жазған едік.
