Бейжіңде қазақстандық «Балалық шағымның аспаны» фильмі көрсетілді (ФОТО)

Фильмдерді қазақстандық дипломаттардың және Бейжің қ. ұлттық компания өкілдерінің 6 жастан асқан балалары тамашалады.
«1 желтоқсан - Қазақстанның Тұңғыш Президенті күні. Тәуелсіздік алған соң Нұрсұлтан Әбішұлы Назарбаев ел тізгінін қолына алып, халықты бір шаңырақ астына біріктіріп, даму жолында үлкен жетістіктерге жету арқылы мемлекетті әлемге танытты», - деді фильмді көрсетер алдында сөз сөйлеген ҚХР-дағы ҚР Елшілігінің кеңесшісі Манарбек Қабазиев.
Фильмдерден кейін ҚазАқпарат тілшісі балалардан алған әсерлерін сұрап білді.
«Фильм өте қызықты, мұнда біздің Президентіміздің балалық шағы мен оның қиын жолы көрсетілген», - деді 15 жастағы Данияр Ешімбетов.
Еске сала кетейік, «Балалық шағымның аспаны» кинокартинасы 2013 жылдың сәуірінде Бейжіңдегі қазақстандық кино апталығын ашты. 2015 жылдың шілде-тамыз айларында Қытайдың орталық телеарнасында «Елбасы жолы» фильм-эпопеясының барлық бөлімі: «Балалық шағымның аспаны», «Отты өзен» және «Теміртау», «Тығырықтан жол тапқан» көрсетілді.