Бейжіңде ҚР Тәуелсіздік күніне орай баскетболдан турнир ұйымдастырылды
Шараны ҚХР-ғы ҚР Елшілігі жанындағы кедендік органның өкілдері ұйымдастырды. Спорттық бәсекеге 4 команда: ҚХР Қоғамдық қауіпсіздік министрлігі Бейжің департаменті (1-ші орын алды), «SOLE» мамандандырылған баскетбол спорты журналы баспасы (2-орын), «Nuchtech» компаниясы (3-ініш орын), сондай-ақ ҚХР-дағы ҚР Елшілігі және Қаржы министрлігі Мемлекеттік кіріс комитетінің командалары қатысты.
«Бұл біздің бастама, кедендік ынтымақтастық бойынша қазақстандық-қытайлық Комитеттің 9-ыншы отырысы аясында Қазақстан Тәуелсіздігіне арналған шара өткізуді ұйғардық. Шет елде жүрген кезінде біздің жігіттер тек келісссөз жүргізуде ғана емес, спорттың аренада да кездесе алатындығы маңызды емес пе. Бір-біріне деген қарым-қатынасы да артатын болады. Бұл ресми шара аясындағы бірінші рет өткізіліп отырған спорттық бәсеке»,-деді ҚР Қаржы министрлігі төрағасының орынбасары Ғосман Амрин. 
Азия және Тәуелсіз мемлекеттер достастығы елдері бойынша «Nuchtech» Бас директоры Ян Бо «ҚазАқпарат» ХАА арқылы алда келе жатқан Тәуелсіздік күнімен қазақстандықтарды құттықтады.
«Мен Қазақстанда 5-6 рет болдым. Қытай-Қазақстан қарым-қаынасы өте жылдам дамуда. Сіздердің елдеріңізді Тәуелсіздіктің 25 жылдығымен құтықтаймын. Қазақстан халқына бақыт пен өркендеу тілеймін»,-деді ол.
