Биыл Алматыда Жансүгіров пен Сейфуллин даңғылындағы жолайырықтың құрылысы аяқталады
АЛМАТЫ. KAZINFORM –2025 жылы Сейфуллин даңғылы мен Жансүгіров көшесінің қиылысындағы жолайырықтың құрылысы, сондай-ақ Саин көшесін Рысқұлов даңғылынан Ақын Сара көшесіне дейін және Абай даңғылын қаланың шекарасына дейін ұзарту жұмыстары аяқталады.
Алматы қалалық мобильділік басқармасының мәліметінше, мамыр айында Абай даңғылын Б.Момышұлы көшесінен қаланың шекарасына дейін ұзарту жобасы іске қосылады. Ұзындығы 5,3 шақырым болатын бұл алты жолақты жолдың екі жағында да веложолдар мен жаяу жүргіншілер жолдары қарастырылған.
Жазда Саин көшесін Рысқұлов даңғылынан Ақын Сара көшесіне дейін ұзарту жұмыстары аяқталады. Ұзындығы 3,2 км болатын бұл жолдың арқасында Момышұлы көшесіндегі көлік жүктемесі 40%-ға төмендейді.
Маусым айында Жансүгіров көшесі мен Сейфуллин даңғылының қиылысындағы жолайырықтың құрылысын және оған іргелес аумақты көркейту жұмыстарын толық аяқтау жоспарланып отыр.
Жоба Сейфуллин даңғылында көліктің үздіксіз қозғалысын қамтамасыз ету үшін жалпы ұзындығы 690 метр болатын 2 тоннель салуды көздейді. Көлік құралдары Жансүгіров көшесі бойынша өтетін болады. Сондай-ақ 4 жерүсті жаяу жүргіншілер өткелін салу, тротуарлар және көгалдандыру жұмыстары қарастырылған.
Осыған дейін 2025 жылы Алматыда 300 шақырым жол жөнделетіні туралы жазған едік.
