Биыл елімізде 60 кәсіби стандарт әзірленеді

АСТАНА. KAZINFORM – Өнеркәсіп және құрылыс министрі Қанат Шарлапаев Үкімет отырысында кәсіби стандарттарды әзірлеу және жаңарту жұмыстарына тоқталды.

- Биыл министрлік 8 сала бойынша 336 мамандықты қамтитын 60 кәсіби стандартты әзірлеп, жаңартуды жоспарлап отыр, - деді ол.

Ведомство басшысы бұл жұмысқа жасанды зейін қолданылатынын атап өтті.

- Биыл жасанды интеллектті қолдана отырып кәсіби стандарттарды әзірлеу процесін едәуір жеңілдеттік. Жаңа тәсілді сынақтан өткізуді жоспарлап жатырмыз. Жасанды интеллект 1 кәсіби стандартты әзірлеуге 10 минут уақыт жұмсайды, - деді Қанат Шарлапаев.

Еске салсақ, Президент Жарлығымен 2025 жыл Жұмысшы мамандықтарының жылы деп жарияланғаны еді.