Биыл Павлодар облысында 22 ауылдың әкімі сайланады

ПАВЛОДАР. KAZINFORM - Соңғы төрт жылда өңірдегі 120 ауыл әкімі тұрғындардың дауыс беруімен сайланған.

Облыстық аумақтық сайлау комиссиясының мәліметінше, облыстағы ауылдардың 95,2 пайызында әкімдер сайлану жолымен қойылған. Бұл Мемлекет басшысының саяси реформаларын іске асыру шеңберінде жүзеге асып отыр.

- 2025 жылдың соңына дейін әкімдерді тікелей сайлаумен облыстың ауылдық округтері 100 пайыз қамтылатын болады. Биыл Павлодар өңірінде қалған 43 ауыл әкімі сайланады. Соңғы рет Ақсу, Екібастұз қалаларының ауылдық аймақтары, Аққулы, Ақтоғай, Железин, Павлодар және Успен аудандарының әкімдерін халық таңдады. Кезекті сайлау Баянауыл ауданы Жаңажол ауылында өтпек. Саяси науқанға 3 кандидат тіркелді, - дейді облыстық аумақтық сайлау комиссиясының мүшесі Гүлсім Сүйіндікова.

Еске сала кетейік, биылдан бастап барлық аудан әкімдерін халық тікелей сайлайды.