Биіктен құлады: Ақмола облысында мобильді байланыс компаниясының қызметкері құтқарылды
КӨКШЕТАУ. KAZINFORM - Ақмола облысында биіктігі 32 метр мұнараның төбесінен құлап, аяғын сындырып алған мобильді байланыс компаниясының қызметкері құтқарылды.
Ақмола облысы ТЖД баспасөз қызметінің мәліметінше, жазатайым оқиға Целиноград ауданының Ақмол ауылында болған. Жылу орталығының биіктігі 32 метр мұнарасының жоғары тұсында орналасқан ұялы байланыс антеннасын жөндеу кезінде мобильді байланыс компаниясының қызметкері абайсызда құлап кеткен.
«Ер адам үш метр төмен орналасқан құрылыс алаңына құлап, аяғын сындырып алды. Зардап шеккен адамды Ақмола облысы ТЖД құтқарушылары автокранның көмегімен жерге түсіріп, жедел жәрдем бригадасына тапсырды», - деді ведомстводан.
Айта кетсек, бұдан бұрын Бурабайда таудан түсе алмай қалған турист құтқарылғанын жазған едік.
