Билік өкілдерінің «командамен жүруін» жіті бақылап отырмыз – Анар Жайылғанова
НҰР-СҰЛТАН. ҚазАқпарат – ҚР Мемлекеттік қызмет істері агенттігінің төрағасы Анар Жайылғанова «билік өкілдерінің командамен жүруін бақылап отырсыздар ма?» деген сұраққа жауап берді, деп хабарлайды ҚазАқпарат тілшісі.
«Мемлекеттік қызметшілердің «командамен жүру» ықтималдығын жіті бақылап отырмыз. Бұл көрсеткіш белгілі бір пайыздан аспауы керектігін қадағалаймыз. Сөзсіз бұл біздің міндет. Егер белгілі бір облыста әкім өзімен бірге қызметкерлерінің 7 пайызын алып кетсе – әр қызметкер өзінің барған лауазымына лайықты екенін дәлелдеуі керек. Кез келген қызметкер конкурстық іріктеуден өтуі тиіс», - деді Анар Жайылғанова ОКҚ-да өткен баспасөз мәслихатында.
Агенттік төрағасының айтуынша, бұл конкурсқа бірінші басшының өзі қатыса алмайды.
«Сол себепті бұл мәселе біздің бақылауда деп айта аламын», - деді ол.
