Билік Мюнхендегі «болжалды лаңкестік шабуыл» туралы мәлімдеді
АСТАНА. KAZINFORM – Бейсенбі күні Мюнхеннің орталық вокзалының маңында бір топ адамды көлік соғып кеткен, салдарынан 28 адам зардап шекті, олардың ішінде балалар да бар, деп хабарлайды Еuronews.
Баварияның премьер-министрі Маркус Зедер оқиғаның лаңкестік әрекет болуы мүмкін екенін мәлімдеді. Бұл алдағы федералды сайлауға 10 күн қалғанда қауіпсіздікке қатысты алаңдаушылықты одан әрі күшейтті.
Полиция өкілінің хабарлауынша, көлік Германиядағы ең ірі кәсіподақтардың бірі Verdi ұйымдастырған демонстрацияға жақындап, полиция көлігін басып озып, жиналғандардың арасына кіріп, әдейі қаққан.
Көлік жүргізушісі оқиға орнында ұсталды, ол Ауғанстаннан пана сұрап келген 24 жастағы ер адам болып шықты. Полиция ол жалғыз әрекет етті деп санайды.
Жұма мен жексенбі аралығында Бавария қаласы Мюнхен қауіпсіздік конференциясында ондаған әлемдік көшбасшыларды қабылдайды, соның ішінде Украина президенті Владимир Зеленский мен АҚШ вице-президенті Джей Ди Вэнс бар.
Бұған дейін Мюнхенде көлік бір топ жаяу жүргіншіні қағып кеткенін жазған болатынбыз.
