Былтыр отандық кино өндірісі 58 пайызға артты
АСТАНА. KAZINFORM – Үкімет басшысы Олжас Бектенов кино саласын дамытуда табыс табуды мақсат етпеу керектігін айтты.
- Қазақстандық кино өндірісі былтыр 58%-ға өсті. Кассалық табысы ең жоғары 10 фильмнің арасында әрбір екінші таспа отандық өндірістің туындысы болды. Шетелдік және отандық картиналардан түсетін алым шамамен теңесті. Бұл көрермендердің ұлттық контентке деген қызығушылығының артып келе жатқанын білдіреді. Сондықтан да құрылтайда Мемлекет басшысы түсіріліп жатқан фильмдер мен сериалдарға ерекше мән беруді тапсырды, - деді Олжас Бектенов Үкімет отырысында.
Осы орайда Премьер-министр жобалардың санын көбейтіп, тек пайда түсіруді ғана мақсат етпей, фильмдердің сапасына баса назар аудару керектігін баса айтты.
Айта кетейік, биыл балаларға арналған 5 әлемдік кинотуынды қазақша көрсетіледі.
