Бір аптада 3,4 мың қылмыс жасалды - ІІМ
НҰР-СҰЛТАН. ҚазАқпарат – Апта ішінде елімізде 3,4 мың қылмыс тікелді. Бұл туралы ҚР Ішкі істер министрлігінің өкілі Шұғыла Тұрлыбек мәлім етті, деп хабарлайды ҚазАқпарат тілшісі.
«Елдегі криминогендік жағдайға тоқталсақ, бір апта ішінде 3404 қылмыс жасалды. Оның 2 039-ы тәулік ішінде ашылды», - деді Ш. Тұрлыбек онлайн брифингі кезінде.
Оның айтуынша, полиция қызметкерлері «ізін суытпай» 6 кісі өлтіру қылмысын, 8 өлімге әкеп соққан денсаулыққа қасақана ауыр зиян келтіру қылмысын, 4 қарақшылық, сондай-ақ 40 тонау және 465 бөтен мүлікті ұрлау қылмысын ашты.
