Бір аптада 6 518 қылмыс тіркеліп, «ізі суымай» 2 766-сы ашылды - ІІМ
АСТАНА. 18 шілде. ҚазАқпарат -Апта ішінде 6 518 қылмыс тіркелсе, «ізі суымай» 2 766 қылмыстың беті ашылды.
Бұл туралы бүгін Ішкі істер минитрлігінде өткен брифинг барысында ведомствоның ресми өкілі Нұрділдә Ораз мәлімдеді.
Оның айтуынша, апта ішінде бұрын жасалған 685 қылмыс, соның ішінде өткен жылдар санатындағы 26 қылмыс ашылған. «Іздеу жарияланған 98 қылмыскер ұсталып, есірткінің заңсыз айналымына байланысты 39 қылмыс анықталды. Оның ішінде 11-і сату фактісі. Сонымен бірге, бір тоннадан астам есірткі заты тәркіленді», - деді Н. Ораз.
