Бір аптада Қазақстанда 2621 қылмыс тіркелді – ІІМ
«Бір апта ішінде елде 2621 қылмыс жасалды. Оның 1029-ы тәулік ішінде ашылды», - деді Ш. Тұрлыбек министрліктің баспасөз алаңында өткен брифинг барысында.
Баспасөз қызметі өкілінің айтуынша, полиция қызметкерлері «ізін суытпай» 12 кісі өлтіруді, 6 өлімге әкеп соққан денсаулыққа қасақана ауыр зиян келтіруді, 3 қарақшылық, 4 тонау және 431 бөтен мүлікті ұрлау қылмыстарын ашқан.
Сондай-ақ, полиция қызметкерлері мереке күндері күшейтілген режимде жұмыс істеген. Қызметтік борышын өтеумен қатар, барлық өңірдегі полицейлер өз қамқорлығындағылармен кездесіп, мерекемен құттықтаған.
«Маңғыстау облысында тәртіп сақшылары полиция есебінде тұрған әйелдің отбасына көмек көрсетті. Шымкент қаласының полицейлері қиын жағдайға тап боғлан көпбалалы отбасыға сыйлықтар табыстады. Қызылорда полицейлері облыстық-психикалық денсаулық орталығының пациенттерімен кездесу өткізіп, есірткі заттарының теріс әсері туралы айтты. Алматы және Түркістан облыстық полиция департаментінің қызметкерлері балалар үйі мен қарттар үйіне сыйлықтар табыс етті», - дейді Ш. Тұрлыбек.