Бизнесті заңсыз тексерген шенеуніктерге жазаны қатаңдату қажет - Елбасы

АСТАНА. 20 желтоқсан. ҚазАқпарат - Бизнесті заңсыз тексерген шенеуніктерге жазаны қатаңдату қажет. Бүгін елордадағы Тәуелсіздік сарайында өткен «Индустрияландыру күні» барысында Елбасы Нұрсұлтан Назарбаев осылай деді.

«Бизнесті заңсыз тексергені үшін шенеуніктерге жазаны қатаңдату бойынша шаралар қабылдау маңызды болып табылады. Бұл мәселеде Бас прокуратура өз міндетін әлі де болса аяғына дейін орындап отырған жоқ», - деді Мемлекет басшысы.

ҚР Президентінің атап өтуінше, ағымдағы жылдың 9 айының ішінде ғана 140 мың заңсыз тексеру жүргізілсе, соның жартысынан астамы жоспардан тыс, яғни мемлекеттік органдар қызметкерлерінің жалған ақпараты негізінде орын алған.