БҚО балабақшасында 6 бүлдіршін скарлатинаға шалдығып, біреуі қайтыс болды

БҚО-ның Тасқала ауданы орталығы Тасқала ауылындағы балабақшада 6 бүлдіршіннің скарлатина дертіне шалдыққаны белгілі болды, деп хабарлайды Kazinform.

БҚО санитарлық-эпидемиологиялық бақылау департаментінен мәлім еткендей, осыған байланысты Тасқала ауданы бас мемлекеттік санитар дәрігерінің қаулысымен аталған балабақша карантинге жабылды.

Қазіргі кезде ауру ошағында эпидемиологиялық тексеру жұмыстары жүріп жатыр. 

БҚО денсаулық сақтау басқармасы баспасөз қызметінің нақтылауынша, скарлатинаға шалдыққан балалардың біреуінің жағдайы ауыр.

Үшеуінің жай-күйі орташа.

Өкінішке қарай, бір қыз бала көз жұмды.

«Қыз бала өлімінің нақты себебі паталогоанатомиялық зерттеу қорытындысынан кейін белгілі болады» деп хабарлады денсаулық сақтау басқармасынан.