БҚО-да адам өліміне қатысты күдікпен бұрынғы полиция қызметкері ұсталды

ОРАЛ. KAZINFORM – Тасқала ауданы Тасқала ауылында ер адамға ауыр дене жарақатын келтірген күдікті қолға түсті.

БҚО полиция департаментінің баспасөз қызметінен мәлім еткеніндей, ер адам алған жарақаттары салдарынан ауруханада көз жұмды. 

«Анықталғандай, екі ер адам сөзге келіп, содан жанжал туындаған. Күдікті ішкі істер органдарынан жағымсыз себептерге байланысты қуылған бұрынғы полиция қызметкері болып шықты. Күдікті уақытқа ұстау изоляторына қамалды. Қазіргі кезде аталған оқиға бойынша сотқа дейінгі тергеу амалдары жүргізілуде», - деп хабарлады ведомстводан.

Еске сала кетейік, бұдан бұрын Оралда жүк көлігі мектеп қоршауын бұзып өткенін жазған едік.