БҚО-да Беларусь азаматы полицияға пара беру кезінде ұсталды

Батыс Қазақстан облысында Беларусь Республикасының азаматы полиция қызметкерлеріне пара беру кезінде ұсталды, деп хабарлайды ҚазАқпарат.

"Ол ҚР жолда жүру ережесін бұзып, полиция қызметкеріне әкімшілік жауапкершілікке тартпау үшін 2 мың рубль көлемінде пара ұсынған. Оқиға орнына Теректі аудандық ПБ жедел-тергеу тобы шақыртылды.

Қазіргі уақытта аталған факті бойынша ҚР ҚК-нің 367-бабы 1-бөлігіне (пара беру) сәйкес сотқа дейінгі тергеу амалдары жүргізілуде", - деп жазды ІІМ-нен.

Көлік құралы арнайы тұраққа қойылды. Жүргізушіге қатысты «Келуге міндетті» түріндегі процессуалдық мәжбүрлеу шарасы қолданылды.