БҚО-да денесін өрт шалған жігіт жансақтау бөлімінде жатыр

ОРАЛ. ҚазАқпарат - 30 шілде күні Қазталов ауданы Талдыапан ауылдық округінде далада болған өрттен сол кезде қой бағып жүрген 1990 жылғы азамат қазір Орал қалалық көпбейінді ауруханасының жансақтау бөлімінде жатыр, деп хабарлайды «ҚазАқпарат» тілшісі.

БҚО денсаулық сақтау басқармасы басшысының орынбасары Нұрданат Беркінғалиұлының айтуынша, денесін 80 пайызға дейін күйік шалған жігіттің жағдайы ауыр. Дегенмен өзі демалып жатыр, барлық қажетті ем жасалуда. Өрттен кейін Жалпақталдағы дәрігерлер қарап, тасымалдауға жарайтындай жағдайға жеткізгенше емдеді. 

Еске сала кетейік , Талдыпан ауылдық округінде болған өрттен 600-ге жуық қой-ешкі жанып кетіп, қатты зардап шеккен қойшы әуелі Жалпақтал ауруханасында ем алып, одан санавиациямен Оралға жеткізілген болатын.