БҚО-да егілуге жататын тұрғындардың 65 пайыздан астамы вакцина салдырды
БҚО денсаулық сақтау басқармасы мәлім еткеніндей, бұл – облыс бойынша егілуге жататын тұрғындардың 65,1 пайызы.
Сондай-ақ 254 888 адам (61,5 пайызы) екінші компонентімен егілді. 54 669 адам ревакцинациядан өтті.
Өңірде 9 650 адам Pfizer вакцинасын қабылдаса, соның 347-сі – жүкті, 4 276-сы – бала емізетін әйелдер, 5 027-сі –жасөспірімдер.
Басқармадан түскен мәліметке қарағанда, осы кезге дейін 49 367, соның ішінде биыл 9 297 адам коронавирус жұқтырды.
Соңғы тәулікте 71 адамнан індет табылса, 30 науқас жазылып шықты.
Қазіргі таңда 751 төсектік 14 инфекциялық стационарда 209 науқас емделіп жатыр. Соның 193-і қаладағы 8 ауруханада.
Жансақтау бөлімшесіндегі 16 науқастың 12-сі ауыр, төртеуі аса ауыр халде.
Жыл басынан бері 29 адам коронавирустан қайтыс болды.
Еске сала кетейік, бұдан бұрын Батыс Қазақстанда 54 мыңға жуық адамның ревакцинациядан өткенін жазған болатынбыз.