БҚО-да коронавирус жұқтырған соңғы екі науқас та Теңіз кен орнынан келген болып шықты
БҚО әкімдігі мәлім еткеніндей, олар – 1968 және 1978 жылғы облыс тұрғындары.
Көрші өңірден келгеннен кейін карантиндік стационарға жатқызылып, зертханалық сынама алынған.
ПТР диагностикалық зерттеу қорытындысымен екеуінде де COVID-19 диагнозы расталып, облыстық жұқпалы аурулар ауруханасына орналастырылды.
Науқастармен қарым-қатынаста болғандар анықталып, медициналық бақылауға алынды.
Ауру ошақтарында дезинфекциялық жұмыстар жүргізілді.
Індетке қарсы күрес шаралары жалғасуда.
Осылайша БҚО-да ауырғандар саны 215-ке жетті. Олардың басым көпшілігі – Ресейден келгендер. Дегенмен соңғы кезде Теңіз кен орнынан келгендер арасында ауру жұқтырғандар көбейіп барады.
Еске сала кетейік, бұдан бұрын БҚО-да бір күнде 18 адамның жазылып шыққанын, Теңіз кен орнынан келген тұрғыннан коронавирус анықталғанын жазған болатынбыз.