БҚО-да полиция қызметкері автокөлігімен қағып кеткен әйел көз жұмды

ОРАЛ. KAZINFORM – Батыс Қазақстан облысында полиция қызметкері автокөлігімен әйел адамды қағып кетті.

Аурухана
Фото: ҚазАқпарат

БҚО полиция департаментінің баспасөз қызметінен мәлім еткеніндей, оқиға 24 қаңтар күні Тасқала ауданы орталығы Тасқала ауылында болды.

Mitsubishi автокөлігінің жүргізушісі дүкен жанында артқа қарай жүрген кезде белгіленбеген жерден жолдан өтіп бара жатқан әйелді басып кеткен.

- Жол апаты салдарынан жаяу жүргінші оқиға орнында көз жұмды. Медициналық куәландыруға сәйкес жүргізуші ішімдік ішпеген. Ол уақытша ұстау изоляторына қамалды. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде. Автокөлік рулінде Тасқала ауданы полиция бөлімінің қызметкері болған. Ол ішкі істер органынан қуылды, - деп хабарлады ведомстводан.

Еске сала кетейік, бұдан бұрын Батыс Қазақстан облысында 44 жылқыны ұрлаған барымташылар тобының ұсталғанын жазған болатынбыз.

 

Соңғы жаңалықтар