БҚО-да жол полициясы салған 1,6 млн. астам теңге айыппұл өндірілді

ОРАЛ. 29 қараша. ҚазАқпарат /Елжан Ералы/ - БҚО ІІД жол полициясы басқармасы мен БҚО бойынша сот актілерін орындау жөніндегі департамент бірлесіп 10-27 қараша аралығында рейдтік шаралар жүргізді.

БҚО ІІД жол полициясы басқармасынан хабарлағанындай, аталмыш шара мақсаты жол ережесін бұзғаны үшін салынған айыппұлды төлеуден жалтарған адамдарды анықтау болатын. Осы кезеңде сондай 233 факті белгілі болып, алынған шаралар нәтижесінде жүргізушілер айыппұлдарын төледі. Барлығы 1690416 теңге өндіріліп алынды.

Сонымен қатар 15 қараша күні Қ.Қазиев айдаған ГАЗ-322131 автокөлігі аталмыш департамент қаулысына сәйкес тұтқынға алынып, арнайы тұраққа қойылды.