Блогер Эльмира Төлегенова сотта процестік келісім жасауға өтініш білдірді
АСТАНА. KAZINFORM – Астанада ерлі-зайыпты блогер Жанабыловтарға қатысты қылмыстық іс бойынша сотта Эльмира Төлегенова соңғы сөзін айтты.
Сотталушының айтуынша, аталған жағдай олар үшін үлкен сабақ болған.
– Біз өзіміз үшін үлкен қорытынды жасадық. Бұл бізге өмірлік сабақ болды. Заң бұзғанымызға өкінеміз. Құрметті соттан маған және жұбайыма бас бостандығынан айырумен байланысты емес жаза тағайындауды, сондай-ақ істі жеңіл қарауды сұраймын, – деді ол.
Сонымен қатар ол өз сөзінде кеңесу бөлмесіне кетпес бұрын процестік келісім жасау туралы өтініш білдіріп, оның барлық шарттары мен салдары толық түсіндірілгенін атап өтті.
Бұған дейін Прокурор блогер Жанабылов пен әйелін 4 жылға соттауды сұраған еді.
Сондай-ақ тергеуші Жанабыловқа қатысты жала жабу бабы бойынша шағымдануы мүмкін екенін жазғанбыз.
