Боксшы қыздар Әлем кубогының қола жүлдегері атанды
АСТАНА. KAZINFORM — Валерия Аксенова мен Дина Исламбекова Қытайда өтіп жатқан бокстан Әлем кубогында қола жүлде еншіледі, деп хабарлайды Спортты дамыту дирекциясының баспасөз қызметі.
Аса ауыр салмақтан 80 келіге түскен Валерия Аксенова жартылай финалда әлем чемпионатының жүлдегері Давина Мичелмен (Франция) айқасты. 3 раундқа жалғасқан бәсекеде тәжірибелі қарсылас жекпе-жекті өз еншісіне жазды. Есеп: 0:5.
Сонымен қатар, аса ауыр салмақтағы Дина Исламбекова ½ финалда Өзбекстанның мықтысы Олтиной Сотимбоевамен биыл үшінші мәрте жолықты. Кезекті айқаста Өзбекстан өкілінің пайдасына шешіліп, 0:5 есебімен есе жіберді.
Бұған дейін Бокстан әлем кубогында Виктория Графеева өзбекстандық боксшыны қапы қалдырғанын жазғанбыз.
