Бокстан ӘЧ: Қазақстан медальдар кестесінде қай орында тұр

АСТАНА. KAZINFORM - Сербияның Ниш қаласында өткен бокстан әлем чемпионатында жүлде саны жөнінен жалпы командалық есепте екінші орынға табан тіреді.

Қазақстандық спортшылар 3 алтын, 2 күміс, 1 қола медаль алды. Ел құрамасынан Назым Қызайбай (48 келі), Алуа Балқыбекова (50 келі) және Аида Әбікеева (63 келі) чемпион атанды.

Финалда қарсыластарына есе жіберген Виктория Графеева (60 келі) мен Елдана Тәліпова (81 келіден жоғары) күміс жүлдені қанағат тұтты.

Сондай-ақ ел құрамасынан Наталья Богданова (70 келі) қола жүлдегер болды.

Медальдар кестесінде 4 алтын, 1 күміс, 2 қола медальмен Ресей құрамасы көш бастап тұр. Үздік үштікті Түркия 1 алтын, 2 күміс, 2 қоламен түйіндеді.

Медальдар кестесі:

1. Ресей - 4 алтын, 1 күміс, 2 қола

2. Қазақстан - 3 алтын, 2 күміс, 1 қола

3. Түркия -1 алтын, 2 күміс, 2 қола

5. Сербия - 1 алтын, 5 қола

6. Солтүстік Корея - 1 алтын, 2 қола

7. Марокко -1 алтын, 1 қола

8. Таиланд - 2 күміс, 1 қола

9. Ирландия - 2 күміс

10. Өзбекстан - 1 күміс, 3 қола

11. Беларусь - 1 қола

12. Молдова - 1 қола

13. Словакия - 1 қола

14. Вьетнам - 1 қола

Осыған дейін омбылық қазақ қызы Салтанат Меденова бокстан әлем чемпионы атанғаны туралы жаздық.