Бокстан Азия чемпионаты: Виктория Графеева қарсыласын нокаутпен ұтты

АСТАНА. KAZINFORM - Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Виктория Графеева финалға шықты.

Бокстан Азия чемпионаты: Виктория Графеева қарсыласын нокаутпен ұтты
Фото: Спортты дамыту дирекциясы

Қазақстандық боксшы 60 келіге дейінгі салмақта шаршы алаңның иесі Порнтип Буапамен шеберлік байқасты.

Виктория бірінші раундта-ақ қарсыласын нокдаунға жіберді. Нокдаун екінші кезеңде де қайталанғаннан кейін рефери жекпе-жекті тоқтатты.

Тағы бір қазақстандық Ұлжан Сәрсенбек 57 келіге дейінгі салмақта тағы бір таилық Пунрави Руенроспен жұдырықтасты. Мұнда төрешілер жеңісті түгелдей жергілікті боксшыға берді.

Еске сала кетейік, бұдан бұрын бокстан Азия чемпионатында 9 қазақстандықтың финалға шығу үшін таласатынын жазған болатынбыз.

Сондай-ақ Әйгерім Сәттібаева қола жүлдегер атанды.

Соңғы жаңалықтар