Бокстан Азия чемпионатында Сымбат Әлиасқар жүлдесіз қалды

АСТАНА. KAZINFORM – Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Сымбат Әлиасқар жарыс жолын аяқтады.

Сымбат 54 келіге дейінгі салмақта ¼ финалда қытайлық Вэньцянь Сюмен шеберлік байқасты.

Бұл жекпе-жекте төрешілер бірауыздан жеңісті қытайлық боксшыға берді.

Осылайша, қазақстандық екінші боксшы Азия чемпионатын жүлдесіз аяқтады. Бұған дейін Алуа Балқыбекова ауырып қалуына байланысты рингке шықпаған еді.

Азия біріншілігі одан әрі жалғасуда.

Еске сала кетейік, бұдан бұрын бокстан Азия чемпионатында Диас Молжігітовтің жартылай финалға жолдама алғанын жазған болатынбыз.

Сондай-ақ Дулат Бекбауов малайзиялық боксшыны нокаутпен ұтты.

Абылайхан Жүсіпов Азия чемпионатының жартылай финалына өтті.

Бес баланың анасы Әйгерім Сәттібаева жүлдегерлер қатарына қосылды.