Бокстан Қазақстан біріншілігінде әйелдер арасында кімдер финалда кімдер кездеседі
АСТАНА. KAZINFORM – Тараз қаласында өтіп жатқан Қазақстан чемпионатында әйелдер арасында 10 салмақ бойынша финалдық сынға өткен боксшылар белгілі болды.
Ел біріншілігінде барлығы ерлер мен әйелдер арасында 20 салмақ бойынша жүлделер сарапқа салынып жатыр. Боксшылар 30 қазан-1 қараша аралығында алдын ала жекпе-жекте сынға түсті.
Одан кейін 2-3 қарашада ширек финал болса, 4-5 қараша күндеріне жартылай финал белгіленген. Ал 6 қарашада боксшылар финалда бас жүлдені сарапқа салады.
48 келі. Айгерім Сәттібаева (Жамбыл облысы) – Гүлназ Бөрібаева (Қарағанды облысы);
51 келі. Анита Адишева (Қарағанды облысы) – Жансая Рахымберді (Шымкент қаласы);
54 келі. Назым Қызайбай (Алматы қаласы) – Элина Базарова (Шымкент қаласы);
57 келі. Ұлжан Сәрсенбек (Түркістан облысы) – Шахназ Исаева (Алматы қаласы);
60 келі. Виктория Графеева (Алматы қаласы) – Анар Тұрсынбек (Жетісу облысы);
65 келі. Аида Әбікеева (Қарағанды облысы) – Лаура Есенкелді (Шымкент қаласы);
70 келі. Бақыт Сейдіш (Алматы қаласы) – Аружан Жаңабаева (Түркістан облысы);
75 келі. Шұғыла Нәлібай (Түркістан облысы) – Азиза Исина (Қарағанды облысы);
80 келі. Надежда Рябец (Қостанай облысы) – Айдана Убайдуллақызы (Қарағанды облысы);
80 келіден жоғары. Елдана Талипова (Алматы) – Дина Исламбекова (Қарағанды облысы).
Енді 5 қарашада ел біріншілігіндегі ерлер арасында жекпе-жектер өтеді. Бұл бәсекедегі күндізгі сессия 14:00-ге белгіленсе, кешкі сессия 17:00-де басталады.
Айта кетейік, бұған дейін бокстан әйелдер арасындағы Қазақстан чемпионатында финалға кімдер шыққанын жаздық.
