Бокстан Қазақстан біріншілігінде ерлер арасында бас жүлдеге кімдер таласады
АСТАНА. KAZINFORM – Тараз қаласында бокстан өтіп жатқан Қазақстан чемпионатында ерлер арасында 10 салмақ бойынша финалдық сынға өткен спортшылар белгілі болды.
Ел біріншілігінде барлығы ерлер мен әйелдер арасында 20 салмақ бойынша жүлделер сарапқа салынып жатыр. Боксшылар 30 қазан-1 қараша аралығында алдын ала жекпе-жекте сынға түсті.
Одан кейін 2-3 қарашада ширек финал болса, 4-5 қараша күндеріне жартылай финал белгіленген. Ал 6 қарашада боксшылар финалда бас жүлдені сарапқа салады.
50 келі. Нұрзат Оңғаров (Жамбыл облысы) – Диас Берікбай (Жетісу облысы);
55 келі. Нұрсұлтан Алтынбек (Қызылорда обл) – Бексұлтан Хужанжар (Шымкент қаласы);
60 келі. Бибарыс Жексен (Жамбыл обл) – Әділбек Қожахан (Жетісу обл);
65 келі. Мұхаммедсабыр Базарбайұлы (Түркістан облысы) – Абзал Серік (Шымкент қаласы);
70 келі. Фарух Тоқтасынов (Алматы қаласы) – Елнұр Сүйінбай (Жамбыл облысы);
75 келі. Аман Қонысбеков (Түркістан облысы) – Нұрбек Мурсал (Алматы қаласы);
80 келі. Санжар-Әли Бегалиев (Шымкент қаласы) – Өнер Сейілхан (Батыс Қазақстан облысы);
85 келі. Темірлан Мұқатаев (Астана қаласы) – Сұлтанбек Айбарұлы (Алматы қаласы);
90 келі. Сағындық Тоғамбай (Түркістан облысы) – Дәулет Төлемісов (Ақтөбе облысы);
90 келіден жоғары. Данияр Рахымбердинов (Алматы қаласы) – Ерсұлтан Сапар (Алматы қаласы).
Айта кетсек, бұдан бұрын Қазақстан чемпионатында әйелдер арасында 10 салмақ бойынша финалдық сынға өткен боксшылар белгілі болды.
