«Болашақ» жер қойнауы учаскесінде көмірсутектерді барлау жүргізіледі - Энергетика министрлігі
АСТАНА. KAZINFORM - Энергетика министрлігі мен «ҚазМұнайГаз» ҰК» АҚ Маңғыстау облысында орналасқан «Болашақ» жер қойнауы учаскесінде күрделі жоба бойынша көмірсутектерді барлауға және өндіруге арналған келісімшартқа қол қойды.
Бұл туралы ҚР Энергетика министрлігінің бапасөз қызметі мәлім етті.
Жобаға инвестицияның жалпы көлемі шамамен 45 млрд теңгені құрайды, жұмыс бағдарламасында 2 ұңғыманы бұрғылау және 430 км2 көлемінде 3Д сейсмикалық барлау жүргізу көзделген.
Сондай-ақ, «ҚазМұнайГаз» ҰК АҚ-мен Маңғыстау облысында орналасқан «Өзен Северный» учаскесіне жер қойнауын пайдалану құқығын беру» бойынша тікелей келіссөздер басталды.
2025-2028 жылдарға жоспарланған инвестициялар көлемі 2 млрд теңгеден асатын болады, ал екі іздеу ұңғымасын бұрғылау қарастырылған.
Бүгін Қазақстан ОПЕК+ келісімі шеңберінде мұнай өндірісін қысқартатыны хабарланды.
