«Борышкер» іс-шарасының 24 күнінде 195 млн. теңге айыппұл өндірілді - Қызылорда
ҚЫЗЫЛОРДА. ҚазАқпарат - Ағымдағы жылдың 29 наурыз және 30 сәуірі аралығында облыс көлемінде «Борышкер» жедел-профилактикалық іс-шарасы өткізілуде,-деп хабарлады ҚазАқпарат ХАА тілшісі облыстық ІІД сілтеме жасап.
Аталған іс-шараға әкімшілік полиция басқармасының қызметкерлерімен бірге, жергілікті полиция және өңірлік жеке сот орындаушылары жұмылдырылуда.
Аталған іс-шарада қала бойынша 5 мобильді том құрылып, барлығы 10 полиция қызметкерлері және өңірлік сот орындаушыларынан кезекшілік кестесі құрылды. Бірлескен іс-шаралар аясында айыппұл төлеуден жалтарып жүрген борышкерлердің автокөліктерін автотұраққа қамау және мемлекеттік белгілерін алу жүзеге асырылуда.
Іс-шараның 1 күнінің нәтижесі бойынша құрылған жұмыс тобымен қызмет атқару барысында барлығы 890 мың 240 теңге айыппұл салынған 46 автокөлік анықталып, 13-і айып алаңына қойылса, қалған 33 автокөліктердің мемлекеттік белгілері алынып, 552 мың 255 теңге айыппұл өндірілді.
Айта кету керек, аталған іс-шара жыл басынан екінше рет өткізілуде.
Заңда белгіленген мерзімде айыппұлын төлемеген жыл басынан 548 жүргізушіге салынған 7 млн 202 мың теңге мәжбүрлі түрде өндірту мақсатында жеке сот орындаушыларына жолданса, 474 азаматтың жұмыс орындарына айыппұл төлеу жөнінде қаулылар жолданды.
Биылғы жылдың 24 күнінің нәтижесі бойынша 195 млн 703 мың теңгенің 78 млн 261 мың теңгесі өндірілді.
