Бөтелкелесінің басын жарған бұзақының бас бостандығы шектелді - БҚО

ОРАЛ. ҚазАқпарат - Зеленов аудандық №2 сотының үкімімен Б. ҚР ҚК 106-бабы 1-бөлімі бойынша (қасақана ауыр дене жарақатын келтіру) айыпты деп танылып, 4 жыл бас бостандығынан шектеліп, пробациялық бақылау белгіленді.

БҚО сотының баспасөз қызметінен түскен мәліметке қарағанда, Б. мен М. ішімдік ішу барысында бір-бірімен сөзге келіп, ақыры төбелесіп тынған. Сотталушы жәбірленушінің басынан күрекпен соққан. Оны місе тұтпай, екі бөтелкені басына ұрып сындырған, қылмыстық әрекетін жалғастырып, М-ның мойны мен басына бірнеше рет соққы жасаған. Қайта жәбірленуші көшеге қашып шығып құтылған, ал сотталушы оқиға орнынан бой тасалаған.

Сотта жәбірленушінің азаматтық талапарызы толық қанағаттандырылды.

Үкім заңды күшіне енген жоқ.