Бразилияда шошқа фермасында жеті тонна есірткі сақталған бункер табылды
Бразилияның Парана штаты федералды және әскери полиция қызметкерлері заңсыз есірткі айналымымен күрес операциясы барысында ауылдық жерден 7 тонна марихуана, сондай-ақ винтовкалар мен оқ-дәрі сақталған бункерді тапты. Бұл туралы штаттың әскери полициясының баспасөз қызметі мәлім етті, деп хабарлайды Kazinform агенттігі Риа Новости басылымына сілтеме жасап.
«Шошқа фермасы аумағында жер астындағы бункерден марихуанаға ұқсайтын есірткі табылды. Салмағы – 7235 кг. Сонымен қатар 7,62 калибрлі екі винтовка мен 5,56 калибрлі винтовка, сондай-ақ 7,62 калибрлі 257 оқ пен 5,56 калибрлі 400 оқ тәркіленді», - делінген Парана әскери полиция сайтындағы хабарламада.
Тексеру кезінде ферма аумағында адам болмаған. Бірақ қару оқталған, ал оқ-дәрінің бір бөлігі тактикалық сөмкеге салынған болып шықты. Сондай-ақ сол аумақтан табылған Toyota автокөлігі де федералдық полицияға берілді.
