Бірқатар өңірде дауылды ескерту жарияланды

АСТАНА. KAZINFORM -  Қазақстанның бірқатар облысында 1 наурызда дауылды ескерту жарияланды.   

Астанада ертең күн райы тұманды болады.

Абай облысының солтүстігінде, оңтүстігінде және орталығында тұман болады.

Ақмола облысының батысында, солтүстігінде және оңтүстігінде тұман түседі.

Ақтөбе облысының орталығында және оңтүстігінде қар жауып, бұрқасын болады. Солтүстік-шығыстан және шығыстан соққан желдің жылдамдығы орталық пен оңтүстікте секундына 15-20 метрге жетеді.

Атырау облысының батысында, оңтүстігінде және шығысында түнде, ал оңтүстігі мен шығысында күндіз қар жауады. Облыстың шығысы мен оңтүстігінде бұрқасын болады. Түнде және таңертең оңтүстікте тұман түседі. 

Шығыс Қазақстан облысының солтүстігінде, шығысында және оңтүстігінде тұман күтіледі.

Жамбыл облысының таулы аудандарында түнде қар жауып, көктайғақ болады және бұрқасын соғады. Облыстың солтүстігінде, оңтүстігінде және таулы аудандарында тұман түседі. Таулы аудандарда оңтүстік-шығыстан соққан желдің жылдамдығы секундына 15-20 метрге жетеді.

Жетісу облысының орталығында және таулы аудандарында түнде және таңертең тұман түседі.

Батыс Қазақстан облысының батысында және солтүстігінде тұман түседі.

Қарағанды облысының батысында, солтүстігінде және оңтүстігінде тұман болады.

Қостанай облысының батысында және шығысында тұман болады.

Қызылорда облысының солтүстігінде, оңтүстігінде және орталығында көктайғақ болып, тұман болады.

Маңғыстау облысының батысында, солтүстігінде және орталығында қар жауып, көктайғақ болып, бұрқасын соғады. Облыстың шығысы мен орталығында тұман болады. Түнде облыстың батысында солтүстік-батыстан соққан желдің екпіні секундына 15-20 метрге жетеді.

Павлодар облысының оңтүстігінде түнде және таңертең тұман күтіледі.

Солтүстік Қазақстан облысының солтүстігінде және шығысында бұрқасын болады. Облыстың батысы мен оңтүстігінде тұман күтіледі. Солтүстік, батыс және оңтүстікте күндіз оңтүстік-батыстан және батыстан соққан желдің екпіні секундына 15-20 метрге жетеді.

Түркістан облысының батысында, оңтүстігін және таулы аудандарын тұман басады.

Ұлытау облысының батысында түнде қар жауып, бұрқасын соғып, көктайғақ болады.

Айта кетелік наурыздың басында қар жауып, боран соғады.