Бірқатар өңірде дауылды ескерту жарияланды

АСТАНА. KAZINFORM -  Қазақстанның бірқатар облысында 26 ақпанда дауылды ескерту жарияланды.   

Ұлытау облысында түнде батысында, солтүстігінде, оңтүстігінде, күндіз шығысында жауын-шашын (жаңбыр, қар) күтіледі. Оңтүстігінде аздаған жауын-шашын, жаяу бұрқасын, көктайғақ болжанады. Түнде және таңертең батысында, солтүстігінде, орталығында тұман түседі. Желдің жылдамдығы солтүстік, шығыс, оңтүстігінде 15-20 м/с жетеді. 

Қарағанды облысында түнде батысында, күндіз солтүстігінде, шығысында, оңтүстігінде жауын-шашын (жаңбыр, қар), көктайғақ, бұрқасын болады. Түнде және таңертең батысында тұман болады. Желдің жылдамдығы 15-20 м/с, оңтүстігінде кей жерлерде 23 м/с дейін жетеді. 

Таразда жаңбыр аралас қар жауады. Тұман, көктайғақ күтіледі. Желдің жылдамдығы түнде және таңертең 15-20 м/с, кейде 25 м/с жетеді.

Алматыда күндіз жауын-шашын (жаңбыр, қар), кей жерлерде нөсер болуы ықтимал. Көктайғақ болады. Кешке тұман басады. Желдің жылдамдығы 15 м/с. Қонаевта жаңбыр, қар, көктайғақ болжанады. Жел 18-23 м/с дейін күшейеді.

Маңғыстау облысында қар жауып, көктайғақ болады. Оңтүстік-шығысында кей жерлерде қар жауып, бұрқасын болады. Батысында және орталығында тұман күтіледі. Желдің жылдамдығы 15-20 м/с дейін жетеді. 

Қостанай облысында қар жауады. Батысында, оңтүстігінде бұрқасын болады. Оңтүстігінде және шығысында көктайғақ, тұман болады. Желдің жылдамдығы 15-20 м/с. 

Астана жаңбыр аралас қар жауады, көктайғақ күтіледі. Кей уақытта тұман түседі. Күндіз бұрқасын болуы ықтимал. Желдің екпіні 15-20 м/с дейін күшейеді.

Қызылорда облысында түнде солтүстігінде, шығысында, орталығында жаңбыр, қар жауады, бұрқасын күтіледі. Тұман, көктайғақ болады. Желдің жылдамдығы 15-20 м/с дейін жетеді. 

Солтүстік Қазақстан облысында күндіз батысында, оңтүстігінде қар жауып, көктайғақ, бұрқасын болады. Батысында, солтүстігінде, оңтүстігінде тұман болады. Желдің жылдамдығы 15-20 м/с, кей жерлерде 23-28 м/с дейін жетеді. 

26 ақпанда түнде Ақтөбе облысының солтүстік-шығысында қатты қар күтіледі. Түнде және таңертең облыстың батысында тұман күтіледі.

26 ақпанда күндіз Павлодар облысының батысында, оңтүстігінде жауын-шашын (жаңбыр, қар), жаяу бұрқасын, көктайғақ күтіледі. Оңтүстік-батыстан жел соғады, күндіз облыстың батысында, оңтүстігінде екпіні 15-20 м/с күтіледі.

Талдықорған қаласында 26 ақпанда түнде және таңертең кей уақыттарда тұман күтіледі. Оңтүстік-шығыстан жел соғады, күндіз екпіні 15-20 м/с жетеді.

26 ақпанда Батыс Қазақстан облысында қар, жаяу бұрқасын күтіледі. Түнде және таңертең облыстың солтүстігінде тұман түседі. Солтүстіктен, солтүстік-шығыстан жел соғады, күндіз облыстың батысында екпіні 15-20 м/с. 

26 ақпанда түнде Ақмола облысының батысында, оңтүстігінде, шығысында жауын-шашын (жаңбыр, қар), жаяу бұрқасын, көктайғақ күтіледі, күндіз жауын-шашын (жаңбыр, қар), жаяу бұрқасын, көктайғақ күтіледі. Облыстың батысында, солтүстігінде, оңтүстігінде тұман түседі. Оңтүстік-шығыстан соғатын жел оңтүстік-батысқа ауысады, күндіз 15-20 м/с, облыстың батысында, оңтүстігінде, шығысында екпіні 23-28 м/с күтіледі. 

26 ақпанда түнде және таңертең Шығыс Қазақстан облысының солтүстігінде тұман күтіледі. Оңтүстік-шығыстан соғатын жел оңтүстік-батысқа ауысады, күндіз облыстың оңтүстігінде 15-18 м/с. 

26 ақпанда түнде және таңертең Абай облысының солтүстігінде тұман күтіледі. Оңтүстік-шығыстан соғатын жел оңтүстік-батысқа ауысады, облыстың оңтүстігінде, орталығында 15-20, күндіз екпіні 23 м/с.

26 ақпанда Атырау облысында қар күтіледі. Облыстың батысында, солтүстігінде жаяу бұрқасын.