Бірінші арна кубогі: Қазақстан хоккейшілері ресейлік құрамамен кездеседі

Хоккей
Фото: olympic.kz

Шайбалы хоккейден Қазақстан құрамасы бүгін Бірінші арна кубогіндегі соңғы ойынын Ресей 25 құрамасына қарсы өткізеді, деп хабарлайды Kazinform.

Ресейдің Санкт-Петербург қаласында 14-17 желтоқсан аралығында Бірінші арна кубогі турнирі өткізілуде.

Қазақстандық хоккейшілер қазірге дейін Беларуське 2:6 есебімен жеңілсе, одан кейін Ресейдің ВХЛ жұлдыздары құрамасын 3:1 есебімен тізе бүктірді.

Аталған турнирде ұлттық құрама капитаны міндетін Никита Михайлис атқаруда. Оған Әділ Бекетаев пен Самат Данияр көмекшілік жасайды.

Еліміздің ұлттық құрамасының бас бапкері Ғалым Мәмбетәлиев турнирге 28 хоккейшіні алып барды. Олардың қатарында 3 қақпашы, 25 ойыншы бар.

Олардың негізгі бөлігін елордалық «Барыс» командасының ойыншылары құрайды.

Сондай-ақ, ресейлік клубтардан Валерий Орехов, Никита Михайлис, Максим Мухаметов (барлығы – «Металлург», Ресей), Кирилл Панюков («Амур», Ресей) келді.

Соңғы жаңалықтар