«БТА Банк» АҚ-ның еншілес ұйымы «Темiрбанк» АҚ ипотекалық заемдарды қаржыландыруды жалғастыруда

АЛМАТЫ. Шілденің 13-і. ҚазАқпарат - «БТА Банк» АҚ-ның еншілес ұйымы «Темiрбанк» АҚ ипотекалық займдарды қаржыландыруды жалғастыратынын жария етеді.

Бұл жөнінде бүгін Қазақстан қор биржасы (KASE) ұсынған баспасөз баянында айтылған, деп хабарлайды ҚазАқпарат.

Шілденің басында «Темiрбанк» АҚ-ға ипотекалық заемдарды қаржыландыру бойынша бағдарлама аясында «Самұрық-Қазына» ҰӘҚ бөлген 3 млрд. теңге түсті. Осылайша, «Темiрбанк» ипотекалық заемдарды қаржыландыруды ағымдағы жылғы қазанның 1-іне дейін жалғастыратын болады.

Биылғы жылдың бірінші тоқсанында банк қор бөлген 3 млрд.теңге көлеміндегі қаражаттарды мерзімінен бұрын игерді: бұл сомаға 764-тен астам заемдар қайта қаржыландырылды. Барлығы 8 млрд. 458 млн. теңгеге 1956 өтініш өндіріске қабылданды.

«Темiрбанк» АҚ KASE-нің листингтік компаниясы болып табылады.